Oizpe Egoitza - Laguntasuna Osasunean

Heste Inkontinentzia

Heste edo gorotz inkontinentzia ebakuazioen kontrol eza da, ondorioz kakaren kanporaketa, nahigabe ematen da.

JATORRIA

- Idorreri kronikoa, honek ipurtzuloa eta hesteak luzatzen eta ahultzen ditu, ondorioz beherakoa eta kakaren ihesa ematen dira.
- Laxanteen kontsumo kronikoa.
- Hesteetako kirurgia.
- Hesteak beteta dauden sentsazioa ezagutzeko ahalmenaren murrizketa.
- Arazo emozionalak.
- Prostata, ginekologi edo ondeste kirurgia.
- Emakumeetan, ipurtzuloko muskuluen kaltea erditzea dela eta.
- Nerbio edo muskulu kaltea (istripu zerebrobaskular, kolpe, tumore edo erradiazioaren ondorioz).
- Beherako handia, kakaren kanporaketaren kontrola gainditzen duena..
- Hemorroideak edo ondestearen prolapso larria.
- Inguru ezezagunak eragindako estresa.

TRATAMENDUA

Heste inkontinentziaren tratamendua jatorriaren identifikazioarekin hasi behar du.

- Dieta: Alkohol eta kafeina kontsumoa ezabatu. Dietari bolumena gehituz kaken trinkotasuna handitu eta kantitatea murriztu daiteke. Trinkotasuna ematen duten jaki batzuk arroza, banana, jogurta eta gazta dira.
- Tratamendu farmakologikoa: hartzen dituen sendagai guztiak medikuarekin aztertu behar dira, batzuk edo hauen konbinazioak heste inkontinentzia sortu edo areagotu dezaketelako, batez ere pertsona nagusietan.
- Beste terapia batzuk: Kaka batzeko dispositiboak, hesteen berrentrenamendua, etab.
- Kirurgia: Aukera desberdinak daude (ondesteko esfinterraren konponketa, ondesteko barne muskuluaren transplantea, heste esfinter artifiziala eta kolostomi bidezko ondestearen desbideratzea). Kirurgiaren aukeraketa inkontinentziaren jatorri eta pertsonaren osasun egoeraren araberakoa da.